الــــحنيــــــن للــــذكـــــــريـــــــــات

Monday, November 05, 2007

لـــســـة يـــــــا حـــبـــايـــب



يا على الدنيا لما تاخدنا من اعز الاحباب

وتبعدنا عنهم شهور من العذاب

لا بايدينا ولا بايدهم نبعد كدا ولا الاغراب

ليه يا دنيا تبعدينا عن حبايبنا تفرقينا

نحلم بيوم الرجوع نرتمي ف احضان الشوق

حاسين انا لوحدنا والبعد قاسي وضمنا

ياترى لسة يا حبايب فاكرين القلب الغايب

عمره ما نسيكم في ليلة مهما طالت

ياترى لسة يا حبايب شايلين الود الباقي

عمره ف يوم ما ينقص او يقل او يساوم

ياترى لسة يا حبايب حافظين الوعد الدايم

فاكرة منه كل حرف وكلمة اتقالت قبل ما نفارق

طمنوني ..بردوا النار ف قلبي وعرفوني

دا البعد قاسي والغربة مرة والقلب شاكي

بينادي بيكم وفيكم ودموع العين نازلة عليكم

لكن الايام بتعدي ومش دايما واقفة معانا ف تحدي

ونرجع تاني نتقابل ف دنيا الخير والهنا الغالي

ومهما البعد طال زمن واتنين وتلاتة كمان

عمرنا ما ننسا احن قلب حبنا مهما كان

نحلم بيوم الرجوع من تاني والفراق يرحل عنا يغادر

هبة المنشاوي

posted by Heba Al_Menshawy at 9:27 AM 12 comments

Tuesday, September 18, 2007

افـــرح يــــا قـــلبــــي


ليه يا حيرة واخداني بعيد
مش مرسياني على بر اكيد
افرح ساعات وساعات تضيع

ليه يا حزن شايلي كتير
شكلك بقيت ليا رفيق
وملازمني طول الطريق

ليه يا دموع مليتي العين
وشايلة معاكي ألم وحنين
نفوس حزينة حزن طويل

ليه وليه وليه يا أنين

بقوا التلاتة يا ليل اصحاب
مش عايزين يفارقوا خلاص
فاكرينها ولا ايه وفاء

بس الفرقة بقت بميعاد
وانا شايفة يا ناس خير وأمان
جاي يخبط اهو على الباب
ياخدني معاه بكل اشتياق
من اعداء فاكرّنا احباب
ويملا القلب هنا وسلام

طمني يا عين ليكون احلام
ولا خلاص اهو جاي وبان
افرح يا قلبي وغني كمان


هبة المنشاوي
18-9-2007
posted by Heba Al_Menshawy at 9:57 AM 13 comments

Wednesday, September 05, 2007

تحياتي


و رجعنا أهو نكتب من تاني
حب و شوق و حنين و أماني
نص و نص ما بين اتنين
أخ و أخت مابين كتابين
هيثم ، هبة هما الاتنين
********
نكتب مرة كلام و نقول
حب و شوق و حنين على طول
و نكتب مرة زجل و نقول
حزن أنين و ألم و دموع
مهو أصل الفرحة بتعمل بسمة
و الزعلة بتعمل كذا دمعة
********
و احنا حنكتب و انتو تقولوا
رأي السادة في اللي نقولو
رأيكو انتو و انتو معانا
حيغير في الشعر بطوله
هيثم المنشاوي

posted by Haitham El-Menshawy at 11:06 AM 13 comments

Tuesday, August 28, 2007

عدنا من جديد

انا جيت يا اهل الخير
رجعت وكلي امل وحنين
اشارك تاني في عالم التدوين
وكأني غايبة بقالي سنين
فهل يا ترى لسة فاكرين
ولا نسيتوا اللي كان
ليها مع الذكرى حنين
هبة المنشاوي

posted by Heba Al_Menshawy at 1:44 PM 12 comments

Friday, June 08, 2007

مغــلــق مــؤقــتـــا



نظرا لانشغالي واشتغالي

وظروفي اللي مش مساعداني

اعلن عن وقوف تدويناتي

وحنيني لذكرياتي

الى ان انظم حياتي

واعتذر عن تأخيري وغيابي

وحتى اعاود الكتابة من جديد

اجعلولي من الذكرى نصيب

هبة المنشاوي

posted by Heba Al_Menshawy at 7:55 PM 17 comments

Friday, April 13, 2007

مــــلــــوش لـــــزوم








بيسألني مالي جاوبــــــــــوه






متغير حالي فهمــــــــــــــوه






مشغول بالي وعـــــــــــــــوه






كان بعده قاسي طمنـــــــــــوه






ان قلبي ناسي عرفـــــــــــوه






مش هرجع تاني ابعــــــــــدوه






ولو مرة جالي اســــــــــألوه






كان مستني ايه فكــــــــــروه






انه كان البادي وكلمـــــــــوه






يرحل من حياتي ووعـــــــوه






انه بقى عادي والقلب مشغول






ايامه ماضي ورجوعـــــــــه






مـــــــلــــــوش لــــــــــزوم















هبة المنشاوي



12-4-2007
posted by Heba Al_Menshawy at 9:40 AM 16 comments

Sunday, April 08, 2007

تبقى معرفتنيش


تفتكر اني ممكن افرح فيك
لا يا حبيبي تبقى معرفتنيش
رغم غدرك بيا وجرحك
مأثر فيا عشرة السنين
انا زعلي عليك مش منك
سلمت قلبك للي يبيع
وبعت القلب اللي كان شاريك
بس الكلام معدش يفيد
وانا مش ممكن ارجع ليك
ولو في يوم بقيت وحيد
دور على قلب باقي عليك
تلاقي في قربه حب جديد
دي خلاصة حب قديم
ونصيحة قلب مجروح حزين
بس رجوعي ليك صعب اكيد


هبة المنشاوي
8-4-2007
posted by Heba Al_Menshawy at 11:55 AM 22 comments